Bakı və Gəncə Apelyasiya məhkəmələri hakimlərinin səlahiyyət müddəti artırılacaq.

Report xəbər verir ki, bununla bağlı məsələ Milli Məclisin oktyabrın 20-də keçiriləcək payız sessiyasının sonuncu plenar iclasında müzakirə olunacaq.

Bakı Apelyasiya Məhkəməsinin hakimləri Namiq Cəfərov, Sənan Hacıyev və Abidin Hüseynovun və Gəncə Apelyasiya Məhkəməsinin hakimi Azad Bayramovun səlahiyyət müddəti oktyabrın 26-da başa çatır.

Milli Məclisin Hüquq siyasəti və dövlət quruculuğu komitəsi səlahiyyət müddəti bitən hakimlərin yenidən təyin edilməsi məsələsini müzakirə edib və məsələ parlamentin pelenar iclasına tövsiyə olunub.