Ana səhifə Toplum |
Nizami rayonunda təmirə ehtiyacı olan Rüstəm Rüstəmov küçəsi və Babək propektlərinin arası təmirə bağlanıb.
Azəryolservis ASC-dən Axar.az-a verilən məlumata görə, təmir işlərinin aparıldığı ərzinin uzunluğu 1450 metr, küçənin ortalama eni isə 20 metrdir.
Sözügedən ərazidə yağış-kanalizasiya sisteminin olmaması yolda müəyyən problemlərə gətirib çıxardığına, yolun asflat-beton örtüyü tez sıradan çıxdığına, həm də nəqliyyat vasitələrinin hərəkətində çətinliklər yarandığına görə təmir işlərinə başlanılıb. Əraziyə 2 qat olmaqla 30 min kvadrat metr sahəyə yeni asfalt-beton örtüyünün döşənməsi planlaşdırılır.
Təmir çərçivəsində Mikayıl Əliyev küçəsində yolun hərəkət zolağının müəyyən hissəsində genişləndirmə işləri aparılacaq. Genişləndirmə küçənin Babək prospektinə çıxan hissəsində, təqribən 150 metrlik bir ərazidə görüləcək.
Təmir işlərinin nə vaxt bitəcəyi məlum deyil. İşin tezliklə yekunlaşması üçün əraziyə lazımi sayda canlı qüvvə və texnika cəlb olunub.
Tarix
2015.11.26 / 15:42
|
Müəllif
Nigar İxtiyarqızı
|