Axar.az
Yuxarı

Azərbaycanlı məmur oğlunun ölümündən danışdı

Ana səhifə Toplum
12 Punto 14 Punto 16 Punto 18 Punto

Ötən gün Ağdaş rayonunun Qolqəti kəndində özünü yaşadığı evin həyətindəki çardaqdan asan 1986-cı il təvəllüdlü Taleh Allahverdiyevin atası oğlunun intihar etməsinin səbəbindən danışıb.

ANS-ə açıqlama verən Nizami Allahverdiyev bildirib ki, oğlunun borca görə özünü öldürməsi barədə yayılan məlumatlar doğru deyil:

"Belə məlumatlar bilmirəm kimlər tərəfindən, nə üçün yayılır. Ancaq onu deyə bilərəm ki, oğlumun heç kimə bir manat da olsa borcu yox idi. Bəzi kütləvi informasiya vasitələri yalandan Talehin külli miqdarda borc üzündən özünü asdığı barədə məlumatlar dərc ediblər. Həmin məlumatları yayanların hər biri məhkəmə qarşısında cavab verəcəklər".

Nizami Allahverdiyev oğlunun ölümünün dəqiq səbəblərini bilmədiyini dedi: "Bütün ailə hazırda onun nə üçün intihar etdiyini düşünür. Oğlum istixanada işləyirdi. İşdən evə gəlib yuyundu və daha sonra küçəyə çıxdı. Küçədən saat 22 radələrində qayıtdı, evə girdi və evdən yenidən çıxıb həyətə düşdü. O, həyətə düşdükdən bir neçə dəqiqə sonra anası da həyətə düşdü və Talehin özünü asdığını gördü. Hələlik onun kimlə görüşdüyünü, nə səbəbdən belə bir addım atdığını araşdırırıq. Ancaq son dəfə evə girəndə onun kefi yerində idi, bizimlə danışıb-güldü".

Oğlu intihar edən ata oğlunun işsizlikdən intihar etməsinə də aydınlıq gətirdi:

"Düzdür, Taleh uzun müddətdir işsiz idi. Hazırda Ağdaşda biyan zavodu tikilir. Oğlum oranın mühafizə xidmətinə rəhbər kimi işə başlayacaqdı. Ötən gün onun işə təyinatı baş tutacaqdı. Ancaq təyinatdan bir gün əvvəl Taleh belə bir addım atdı", - deyə ata əlavə etdi.

N. Allahverdiyev Talehin onun tək oğlu olduğunu da əlavə etdi: "Ondan mənə iki övlad miras qaldı. Biri 6 yaşlı Mahnur, digəri 4 yaşlı Aliyə. Bütün ömrümü bu körpələrə baxmağa həsr edəcəm".

İntihar hadisəsi ötən gün Ağdaşın Qolqəti kəndində qeydə alınıb. Kənd sakini, 1986-cı il təvəllüdlü Taleh Nizami oğlu Allahverdiyev yaşadığı evin həyətindəki çardaqda özünü kəndirlə asıb.

Prokurorluqdan bildirmişdilər ki, ilkin ehtimala əsasən, 30 yaşlı kişinin intihar etməsinə səbəb onun uzun müddət işsiz qalması ilə bağlıdır.

Faktla bağlı Ağdaş Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi açılıb, araşdırmalar davam etdirilir.

Dünyasını dəyişən Taleh Allahverdiyev Dini Qurumlarla İş üzrə Dövlət Komitəsinin Ucar rayon şöbəsinin müdiri Nizami Allahverdiyevin oğludur.

Tarix
2016.01.23 / 18:06
Müəllif
Axar.az
Şərhlər
Memorial Zefer
Digər xəbərlər

Əliyev və Ərdoğan "Türk ulduzları”nın çıxışlarını izlədi

Ərdoğan Bəxtiyar Vahabzadənin şeirini səsləndirdi

İbrahim Kalın xalqımızı təbrik etdi

Peyvənd olunanların sayı açıqlandı

“Teknofest Azərbaycan”da qaliblər mükafatlandırıldı

Qubadlının Baş Planını bu şirkət hazırlayacaq

Son sutkada neçə nəfər koronaya yoluxub?

“Akıncı”nın İstanbuldan Bakıya uçması... - Ərdoğan

Həlak olan hərbçimiz dəfn edildi

Əziz Səncərdən gənclərə çağırış!

KULT
<>
Xəbər xətti
Axar.az'da reklam Bağla
Reklam
Bize yazin Bağla