Ana səhifə Toplum |
Qardaşının gəlini tərəfindən boğazı kəsilən şəxs cərrahiyyə əməliyyatına aparılıb.
Bu barədə Axar.az-a 1 saylı Şəhər Klinik Xəstəxanasından (Semaşko) məlumat verilib.
Məlumatda deyilir ki, Hökməli Fətəliyev Ağaəli oğlu həkim Kərəm Yaqubov tərəfindən əməliyyat olunub. Onun vəziyyətinin ağır olduğu bildirilir.
Yanvarın 28-nə keçən gecə xəstəxanaya çatdırılan şəxsin bu gün günorta saatlarında vəziyyəti pisləşib. Xəstənin yaxınlarından ona baş çəkməyə heç kim gəlməyib. H.Fətəliyevin 50-55 yaşlarında olduğu qeyd olunub.
Qeyd edək ki, hadisəni törətməkdə şübhəli bilinən 32 yaşlı Aygün Elşad qızı Ələkbərova saxlanılıb. Araşdırmalar zamanı məlum olub ki, qadın yaralı kişinin qardaşının gəlinidir.
Qadın ifadəsində qohumunun sərxoş halda onların evinə gəldiyini və ona qarşı seksual xarakterli zorakılıq hərəkətləri etdiyi üçün bıçaqladığını bildirib. İlkin məlumata görə, H.Fətəliyev tüfeyli həyat sürüb.
Tarix
2016.01.28 / 15:02
|
Müəllif
Fatimə, Emil
|