AŞPA-da İordaniyaya Demokratiya üzrə tərəfdaş statusunun verilməsi ilə bağlı müzakirələr çox müsbət keçdi və bu status artıq onlara verildi.

Axar.az xəbər verir ki, bu haqda millət vəkili Qənirə Paşayeva məlumat verib.

AŞPA-da İordaniya Parlamentinin sədri Atef Taravneh ilə görüşən deputat Azərbaycan-İordaniya parlamentlərarası əməkdaşlığın daha da genişlənməsinin önəmini vurğulayıb:

"Görüş zamanı parlamentin spikeri Atef Taravnehə Azərbaycanın Ermənistan tərəfindən işğal edilmiş torpaqları və məcburi köçkünlərimizlə bağlı geniş məlumatlar verdik və bundan sonra İordaniyanın AŞPA-dakı təmsilçilərindən hər zaman aktiv dəstək gözlədiyimizi bildirdik".