Orta ixtisas təhsili müəssisələri optimallaşdırılması ilə bağlı birləşdirilən kolleclərin müəllimlərinin ixtisar ediləcəyi gözlənilmir.

Axar.az xəbər verir ki, bunu Təhsil Nazirliyinin ictimaiyyətlə əlaqələr şöbəsinin müdiri Cəsarət Valehov bu gün keçirilən mətbuat konfransında bildirib.

Onun sözlərinə görə, orta ixtisas təhsili müəssisələri şəbəkəsinin optimallaşdırılması nəticəsində tələbələrin sayı azalmadığı üçün müəllimlərin dərs yükü də mövcud vəziyyətdə qalacaq və qərar müəllimlərin fəaliyyətinə mənfi təsir göstərməyəcək.

Eyni və ya oxşar ixtisaslar üzrə kadr hazırlığını həyata keçirən, eyni coğrafi ərazidə yerləşən orta ixtisas təhsili müəssisələri şəbəkəsi optimallaşdırıldığını deyən C.Valehov bildirib ki, 14 kollec müvafiq qayda üzrə biri digərinə birləşdirilib, 3 kollec profil üzrə müvafiq ali təhsil müəssisələrinin tabeliyinə verilib.