“Birgə və Sağlam” İctimai Birliyinin nəzdində fəaliyyət göstərən Autizm Mərkəzində media nümayəndələri üçün autizm haqqında maarifləndirmə seminarı və mediatur təşkil edilib.

Axar.az xəbər verir ki, mediatur zamanı Autizm Mərkəzi ilə tanışlıq, autizmli gənclərdən ibarət “Mavi Ürəklər” xor və ritm qrupunun konsert proqramının izlənilməsi, “İnklüzivlik ayı” layihəsi çərçivəsində autizmli gənclər tərəfindən tullantıların təkrar istifadəsi nəticəsində hazırlanan işlərin nümayişi, autizm sindromlu gənclər və media nümayəndələri tərəfindən rəmzi ağacın rənglənməsi həyata keçirilib.

Qeyd edək ki, layihə çərçivəsində eyni zamanda media nümayəndələri Autizm Mərkəzi ilə əyani tanış olub, onlara fəaliyyət və istiqamətlər, autizmli uşaqların hansı proqramlar əsasında öyrədilməsi, sosial həyata hazırlanması ilə bağlı ətraflı məlumatlar verilib.