Məkkədə Həcc ziyarəti zamanı vəfat edən dörd yaşlı uşaq azərbaycanlı deyil.

Axar.az xəbər verir ki, bu barədə Report-a Qafqaz Müsəlmanlar İdarəsindən (QMİ) bildirilib.

“Azərbaycanlı zəvvarlar arasında dörd yaşlı uşaq yoxdur”, - məlumatda qeyd edilib.

Xarici KİV-in məlumatına görə, vəfat edən uşaq Misir vətəndaşıdır. Dörd yaşlı Yəhya Məhəmməd Ramazan Həcc mərasimlərini yerinə yetirən ailəsi ilə birlikdə olan zaman kəskin isti hava şəraitinə görə dünyasını dəyişib.

Qeyd edək ki, sosial şəbəkələrdə dörd yaşlı azərbaycanlı uşağın Məkkədə Həcc ziyarəti zamanı həyatını itirdiyi haqqında məlumat yayılmışdı. Məlumat üçün bildirək ki, Azərbaycandan Həcc ziyarətinə yollanan zəvvarlar arasında ən kiçiyi 2013-cü il təvəllüdlüdür.