11:15

YAP növbədənkənar parlament seçkilərində iştirak üçün Siyavuş Novruzov və Eldar İbrahimovun namizədliklərini irəli sürüb.

Axar.az xəbər verir ki, bunu VI çağırış Milli Məclisin deputatı Azər Badamov deyib.

Qeyd edək ki, YAP İdarə Heyətinin bu gün qapalı iclası keçirilib və 125 seçki dairəsinin hamısından namizəd irəli sürüləcəyi elan edilib. Siyahının yaxın müddətdə açıqlanacağı gözlənilir.

***

YAP İH üzvü Musa Quliyev partiyanın namizədlər siyahısında Əli Əhmədov, Səyyad Aran, Mübariz Qurbanlı, Eyvaz Qurbanovun adının olduğunu təsdiqləyib.

***

VI çağırış Milli Məclisin deputatı olmuş YAP üzvlərindən namizədlikləri yenidən irəli sürülən şəxslərdən bəzilərinin adları məlum olub.

Bunlar sırasında Tahir Mirkişili, Ziyafət Əsgərov, Azər Badamov, Kamil Cəfərov, Nurlan Həsənov, Musa Quliyev, İmamverdi İsmayılov, Rəşad Mahmudov var.

***

Siyahıda yeni namizədlərdən biri də “İki sahil” qəzetinin baş redaktoru, YAP Xətai rayon təşkilatının sədri Vüqar Rəhimzadədir.