Gürcüstanın şərqində, Kaxeti bölgəsinin Dedoplistskaro şəhəri yaxınlığında 4,7 bal gücündə zəlzələ baş verib.

Axar.az xəbər verir ki, bu barədə Gürcüstan Milli Seysmik Monitorinq Mərkəzi məlumat yayıb.

Bildirilib ki, zəlzələnin episentri Dedoplistskarodan 9 km şimal-qərbdə, Leninovka kəndi yaxınlığında 18 kilometr dərinlikdə yerləşib. Yeraltı təkanlar Tiflis vaxtı ilə saat 12:08-də qeydə alınıb.

Tələfat və dağıntılar barədə məlumat verilmir.

Azərbaycan Milli Elmlər Akademiyasının nəzdində Respublika Seysmoloji Xidmət Mərkəzi zəlzələnin Azərbaycanın sərhəd rayonlarında - Ağstafa, Tovuz, Balakən, Zaqatala, Gəncə, Gədəbəy və digər rayonlarda 4-3 bala qədər hiss olunduğu haqda məlumat yayıb.