"Mətbuatda fotoları əks olunan və mənə aid olduğu bildirilən avtomobillərin mənə heç bir aidiyyəti yoxdur".

Bunu "AzNews.az"a açıqlamasında Nəqliyyat naziri Ziya Məmmədovun qardaşı, deputat Elton Məmmədovun oğlu Aynar Məmmədov bildirib.

A.Məmmədovun sözlərinə görə, fotolardakı avtomobillər onun dostlarına və tanışlarına məxsusdur: "Fotoların bəzisi mənim "İnstagram" səhifəmdə yerləşdirilib. Ancaq mətbuatda hətta həmin səhifədə olmayan avtomobillərin də fotoları yayılaraq guya həmin maşınların mənə məxsus olduğu iddia olunub. Bunlar mənə atılan böhtandır. Belə məsələlərin ümumilikdə ictimayyiləşdirilməsinə ehtiyac olmadığını düşünürəm".