Vətəndaşların bank kartlarından pul vəsaitinin mənimsənilməsi ilə bağlı nəzarət gücləndirilməlidir.

Axar.az xəbər verir ki, bunu Milli Məclisin deputatı Siyavuş Novruzov VII çağırış parlamentin payız sessiyası üzrə sentyabrın 30-da keçirilən ilk plenar iclasında çıxışı zamanı deyib.

Onun sözlərinə görə, bununla bağlı Cinayət Məcəlləsində müvafiq maddə daha da sərtləşdirilməlidir:

"Pensiya və əmək haqqını mənimsəməyin qarşısı qəti şəkildə alınmalıdır".

S.Novruzov həmçini əlavə edib ki, müəllimlərin də hüquqları müdafiə olunmalıdır:

“Hərə əlinə bir telefon götürüb müəllimi çəkir. Müəllim şagirdə söz deyəndə valideynin onun üstünə hücum çəkməsi, müəllimin cəzalandırılması halları olmamalıdır. Onlar xalqın övladlarına dərs verir, öyrədirlər. Ola bilər ki, müəllim hansısa ifadəni düz işlətmir, amma onun hüquqları müdafiə olunmalıdır”.