Ana səhifə Toplum |
Azərbaycan qlobal iqtisadiyyatın bir hissəsidir.
Axar.az APA-ya istinadla xəbər verir ki, bunu Bakı İqlim Fəaliyyəti Həftəsinin (BİFH) açılış günü çərçivəsində “İqlim İmperativi – Yerli Fəaliyyətdən Qlobal Fəaliyyətə” panelində çıxışı zamanı Azərbaycanın iqtisadiyyat nazirinin birinci müavini Elnur Əliyev deyib.
O bildirib ki, əslində qeyri-neft sektorunda kənd təsərrüfatı mühüm rol oynayır:
“Keçən il bizdə quraqlıq oldu. Bu bizim landşaft üzrə yeni bir hadisə idi və kənd təsərrüfatının inkişafına mane yaradır. Biz yarımquraqlıq landşafta uyğun gələn məhsullar yetişdirməyi düşünürük. Daşqınların 70%-i bizə kənardan gəlir. Biz artıq ölkədə su qıtlığı ilə üzləşməkdəyik”.
O qeyd edib ki, digər problem turizm sahəsi ilə bağlıdır:
“Azərbaycanda xizək kurortları var. Lakin son illər ərzində buzlaqların əriməsi nəticəsində bu yerlərə gələn turistlərin sayında azalma müşahidə edirik”.
Elnur Əliyev Xəzər dənizinin səviyyəsinin aşağı düşməsinin Şərq-Qərb dəhlizi ilə bağlı narahatlıq yaratdığını qeyd edib: “Bu marşrut üzərində olan ölkələr bu infrastruktura vəsait ayırmağa məcbur qalırlar”.
Tarix
2024.09.30 / 14:26
|
Müəllif
Axar.az
|