Axar.az
Yuxarı

Bu marşrutun ləğvi problem yaratdı - Açıqlama

Ana səhifə Toplum
12 Punto 14 Punto 16 Punto 18 Punto

Aprelin 11-dən etibarən Bakının N.Nərimanov metrostansiyasından 7-ci mkr. S.S.Axundov küçəsi istiqamətində hərəkət edən 10 nömrəli sərnişin avtobusu xətdən çıxarılandan sonra problemlər yaranıb.

Axar.az xəbər verir ki, sözügedən marşrut xəttini qismən Baku Bus MMC-yə məxsus 3 nömrəli avtobus əvəz edir.

3 nömrəli avtobus "Dərnəgül" və "Gənclik" metrostansiyalarından keçməklə Şəhidlər Xiyabanı istiqamətində gedir. Nəticədə əvvəllər 10 nömrəli marşrutdan istifadə edərək N.Nərimanov metrostansiyasından Dərnəgül istiqamətində gedən sərnişinlər iki marşrut dəyişmək məcburiyyətində qalırlar. Bu isə əlavə xərc və vaxt itkisi deməkdir.

Bəs 3 nömrəli marşrut xəttinin hərəkət istiqamətinin N.Nərimanov metrostansiyasına qədər uzadılması planlaşdırılırmı?

Məsələ ilə bağlı Baku Bus MMC ilə əlaqə saxladıq. Şirkətin ictimaiyyətlə əlaqələr şöbəsinin rəhbəri Nuridə Allahyarova 3 nömrəli marşrutun N.Nərimanov metrostansiyasına qədər uzadılması ilə bağlı təklifin olmadığını deyib:

"Bizim marşrut xətlərinin istiqaməti Baku Bus MMC tərəfindən həyata keçirilmir. Müvafiq qurumlar bununla bağlı bizə təklif edir və biz o istiqamətdə hərəkət edirik. 3 nömrəli marşrut xəttinin N.Nərimanov metrostansiyasına qədər uzadılması ilə bağlı hələlik bizə təklif gəlməyib. Bununla bağlı yenilik gözlənilmir".

Şöbə rəhbəri həmçinin, avtobusların üzərinə yaxın gələcəkdə istiqaməti göstərməsi üçün elektron lövhələrin qoyulacağını da bildirib:

"Avtobusun gedəcəyi istiqamət daxildəki monitorlarda göstərilir. Lakin avtobusların üzərində yaxın gələcəkdə müasir elektron lövhələrin olması da nəzərdə tutulub. Biz bunu gələcək üçün düşünmüşük".

Qeyd edək ki, Dövlət Bədən Tərbiyəsi və İdman Akademiyasının qarşısındakı dayanacaqdan istifadə edən sərnişinlər 3 nömrəli marşrut xəttinin "Elmlər Akademiyası metrostansiyası", yoxsa Dərnəgül istiqamətində getməsi ilə bağlı çətinliklə üzləşirlər. Bu səbəbdən sərnişinlər hər dəfə sürücülərdən istiqaməti soruşmaq məcburiyyətində qalır.

Tarix
2016.04.15 / 13:04
Müəllif
İlham Sahiloğlu
Şərhlər
Digər xəbərlər

Bu gündən məktəblər açılır

Bakı metropoliteni 20 vaqonu utilizasiya etdi

Bursada Şirin Mirzəyev adına park açıldı

Təhsil işçilərinin sentyabr konfransı keçirildi

Azərbaycanın Türkiyəyə ixracı azaldı

Dövlət Komitəsinin əməkdaşları Dağıstana səfər etdilər

Azərbaycan “Teknofest”də 11 startapla təmsil olunur

Fərid Qayıbov Nəriman Abbasovla görüşdü - Foto

Qazaxıstan Azərbaycanla aviareysləri bərpa edir

Vüqar Səfərli: Həmin vəsaiti devalvasiya vaxtı əldə etdim

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla