Prezident İlham Əliyevin tapşırığına uyğun olaraq işğaldan azad edilmiş ərazilərə Böyük Qayıdışa dair I Dövlət Proqramına əsasən, yenidən qurulan Cəbrayıl şəhərinə sakinlərinin qayıdışı davam edir.

Axar.az xəbər verir ki, Cəbrayıl Rayon İcra Hakimiyyəti Biləsuvar rayonunda salınmış qəsəbələrdən 11 ailə - 53 sakin olmaqla bu gün Cəbrayıl şəhərinə köçürüldüyünü açəqlayıb.

Bununla yanaşı, Bakı şəhərindən 15 ailə – 80 nəfər, Abşeron rayonundan 5 ailə – 25 nəfər, Sumqayıt şəhərindən 3 ailə – 16 nəfər, Saatlı rayonundan 2 ailə – 8 nəfər, Şabran rayonundan 2 ailə – 9 nəfər, Şəki rayonundan 1 ailə – 4 nəfər, Beyləqan rayonundan 1 ailə – 5 nəfər Cəbrayıl şəhərinə yola salınıb.

Həmçinin qeyd olunub ki, bugünədək ölkənin müxtəlf bölgələrində məskunlaşmış cəmi 203 ailə – 783 nəfər rayon sakini Cəbrayıl şəhərinə köçürülərək daimi məskunlaşmaları təmin edilib.