Şura "QHT-lər arasında atıcılıq çempionatı"nın qaliblərini mükafatlandıracaq.

Axar.az xəbər verir ki, Prezident yanında Qeyri-Hökumət Təşkilatlarına Dövlət Dəstəyi Şurası mayın 5-də saat 10:00-da Heydər Əliyevin anadan olmasının 93-cü ildönümü ilə əlaqədar "QHT-lər arasında atıcılıq çempionatı" təşkil edəcək. Çempionata 10 QHT komandası qatılacaq.

Binəqədi rayon İcra Hakimiyyətinin təşkilati dəstək verdiyi layihənin koordinatoru Azərbaycan Tələbələr Birliyidir. Çempionatın qaliblərinin mükafatlandırılması mərasimində Şura sədri, millət vəkili Azay Quliyev və Binəqədi rayon İcra Hakimiyyətinin başçısı Xaləddin İsgəndərov iştirak edəcək.

Eyni zamanda, Azay Quliyev və Xaləddin İsgəndərovun iştirakı ilə "Heydər Əliyev və Azərbaycan gəncliyi" mövzusunda gənclərlə görüş keçiriləcək. Prezidentin təşəbbüsü ilə həyata keçirilən "Ölkəmizi tanıyaq" layihəsi çərçivəsində Naxçıvana edilən I və II tur tanışlıq səfərinin iştirakçısı olmuş şagirdlər də qatılacaq.