Tanınmış kriminal avtoritet Oleq Krapivinin (Oleq Bakinski) cinayət işi üzrə məhkəmə prosesi başlayır.

Axar.az Report-a istinadən xəbər verir ki, Oleq Krapivinə Cinayət Məcəlləsinin 221-ci (xuliqanlıq) maddəsindən əlavə, 178.4-cü (dələduzluq - xüsusilə külli miqdarda ziyan vurmaqla törədildikdə) maddəsi ilə də ittiham verilib.

Cinayət işi Bakı Ağır Cinayətlər Məhkəməsinin hakimi Kamran Muxtarovun icratına verilib.

Məhkəmənin hazırlıq iclası yanvarın 17-nə təyin edilib.

Oleq Bakinski ilə bərabər, Ukrayna vətəndaşı Kuçer Konstantin Antonoviç də təqsirləndirilən şəxs qismində tanınıb.

Cinayət işi üzrə Rusiya vətəndaşı Zaxarenkov Valeri Nilolayeviç, “Aviazapçast” ASC və "Promışlenie Postavki Kazaxstan” MMC zərərçəkmiş qismində tanınıb.

Qeyd edək ki, Oleq Bakinski DİN Mütəşəkkil Cinayətkarlığa Qarşı Baş İdarəsi tərəfindən Bakıda həbs edilib.

İdarənin təqdimatı əsasında Nərimanov Rayon Məhkəməsi tərəfindən onun barəsində üçaylıq həbs qətimkan tədbiri seçilib.