Bakıda 149 nömrəli marşrut xətti üzrə hərəkət edən sərnişin avtobusunda sürücü ilə sərnişin arasında gərginlik yaşanıb.

Axar.az xəbər verir ki, bu barədə sosial şəbəkələrdə görütülər yayılıb.

Bakı Bus MMC-nin mətbuat katibi Əsmər Əliyeva Bakı Bus MMC-nin istismarında olan 149 nömrəli müntəzəm marşrut xəttinin sürücüsünün işdən azad edildiyini bildirib.

“Hadisə ötən gün, saat 21:30-da baş verib. Videomüşahidə görüntülərindən müəyyən olunub ki, sürücü Xəyalət Azad oğlu Rəcəbov tərəfindən qaydalar kobud şəkildə pozulub. Bu səbəbdən, əmək qanunvericiliyinə uyğun olaraq sürücünün işdən azad edilməsi barədə qərar qəbul edilib.

Baş vermiş hadisəyə görə sərnişinlərdən üzr istəyirik.

Sərnişinlərimizə müraciət edərək, bu kimi neqativ hallarla qarşılaşdıqları zaman bizə məlumat vermələrini xahiş edirik", - deyə açıqlamada bildirilir.