Rusiya məhkəməsi azərbaycanlı keçmiş vəkil Elman Paşayevi həbsdə saxlayıb.

Axar.az APA-ya istinadən xəbər verir ki, İkinci Qərb Dairə Hərbi Məhkəməsi dələduzluq işi üzrə təqsirləndirilən E.Paşayevin həbs qətiimkan tədbirinin dəyişidirilməsi ilə bağlı vəsatətinə baxıb.

Vəsatət rədd edilib.

“Həbs qətimkan tədbirinin uzadılması ilə bağlı qərar dəyişməz olaraq qalır”, - deyə hakim elan edib.

Qeyd edək ki, yanvarın 13-də Moskva Qarnizonu Hərbi Məhkəməsi Paşayevin həbs müddətini martın 15-dək uzadıb. Həmin iclasda məlum olub ki, keçmiş vəkilin şübhəli şəxs qismində cəlb olunduğu daha bir cinayət işi açılıb. Bu cinayət işi onun narkotik alverçisi Zaxarov sayıdlı birisinə xüsusi hərbi əməliyyat zonasında rahat qalması vədi ilə bağlıdır. İddiaya görə, Paşayevin Zaxarova dövlət mükafatı alacağına, sonra isə azadlığa buraxılacağına söz verib.

Xatırladaq ki, ötən ilin payızında Paşayevə qarşı Rusiya Federasiyası Cinayət Məcəlləsinin 159-cu maddəsinin 4-cü hissəsi (xüsusilə külli miqdarda dələduzluq) ilə ilk cinayət işi açılıb. İstintaqın versiyasına görə, 2024-cü ilin fevralında bloger Yelena Blinovskayanın əri Aleksey Blinovski ilə Moskvada şəxsi görüşü zamanı Paşayev onu inandırıb ki, külli miqdarda pul mükafatı müqabilində onları əvvəllər onlara qarşı açılmış cinayət işi üzrə məsuliyyətdən azad edə bilər. Bu məqsədlə Paşayevin Blinovskidən 18,5 milyon rubl və 300 min dollar pul aldığı məlum olub.