10:30

Ucarda 9-cu sinif şagirdi öz sinif yoldaşına xəsarət yetirib.

Axar.az xəbər verir ki, hadisə fevralın 4-ü 08:10 radələrində Rəstəcə kənd tam orta məktəbində baş verib.

Mərkəzi Aran Regoinal Təhsil İdarəsindən bildirilib ki, xəsarət alan şagird dərhal tibb müəssisəsinə aparılıb və həyati təhlükəsi olmadığı aşkar edilərək evə buraxılıb.

TƏBİB-dən verilən məlumata görə isə Ucar rayon sakini çoxsaylı kəsilmiş-deşilmiş yaralar diaqnozu ilə fevralın 4-də Ucar Rayon Mərkəzi Xəstəxanasının Təcili və Təxirəsalınmaz Tibbi Yardım şöbəsinə hospitalizasiya edilib:

"İlkin tibbi yardım göstərildikdən sonra o, ixtisaslaşmış tibbi yardım alması üçün Göyçay Rayon Mərkəzi Xəstəxanasına təxliyə olunub. Pasient Xəstəxananın Cərrahiyyə şöbəsinə yerləşdirilərək əməliyyat edilib. Vəziyyəti stabil qiymətləndirilən vətəndaş fevralın 5-də ambulator müalicə üçün evə buraxılıb".

Hadisə ilə bağlı hüquq-mühafizə orqanları tərəfindən araşdırma aparılır.