Çeçenistan lideri Ramzan Kadirov itən pişiyinin tapılması üçün İnstaqram izləyicilərindən kömək istəyib.

Axar.az xəbər verir ki, prezident 10 gündür pişiyi tapa bilmədiyini deyib:

"Pişiyimiz 10 gündür ortalıqda görünmür. Hər kəs onu köpək balasına bənzədirdi. Hamımız onun yenidən qayıdacağını düşündük. Çünki uşaqlarımıza çox bağlıdır, baxçada oynamağı sevir. Ancaq geri dönməyincə narahat olmağa başladıq. Onu yaxın yerdə yaşayanlardan birinin götürdüyünü düşünürük. Bu adam pişiyin sahibinin olduğundan xəbərsiz ola bilər. Əminəm ki, heç kimin başqasının pişiyində gözü yoxdur. Bizə verəcəyiniz hər bilgiyə görə təşəkkür edirik".