“Azərlotereya”nın “Beşdə 5” tirajlı lotereyasında 50.010 manat qazanmış şanslı qalib Bakı sakini Nəzəralı Vəliyev qazandığı böyük uduşu və yaşadığı həyəcanlı anları izləyicilərlə bölüşüb.

Axar.az xəbər verir ki, fevralın 19-da həyatını dəyişən Nəzəralı Vəliyev uzun illər lotereya oynasa da, heç vaxt belə böyük bir uduş qazanmadığını bildirib.

O, ümumilikdə 6 seçim edib və çıxan rəqəmləri bir-bir yoxladıqda, 4 rəqəmin üst-üstə düşdüyünü görüb. “Kaş ki, 6 da çıxa!” deyə düşünən qalib, aparıcının “6” nömrəsini elan etdiyini eşidəndə gözlərinə inana bilməyib. Bileti təkrar yoxlayıb, qazandığından əmin olub.

Qeyd edək ki, Nəzəralı Vəliyev əvvəllər kiçik uduşlar qazansa da, bu dəfəki 50.010 manat onun ən böyük qazancı olub. O, qazandığı məbləği işinə yönəltməyi düşündüyünü deyib.