Xəbər verdiyimiz kimi, Abşeron rayonunda mağazaların birində quldurluq hadisəsi baş verib. Polisin keçirdiyi tədbirlərlə quldurluq əməlini törətməkdə şübhəli bilinən 18 yaşlı S.Həmidov müəyyən olunaraq saxlanılıb.

Axar.az Xəzər TV-yə istinadən xəbər verir ki, zərərçəkən mağazaya gələn gəncin tək olmadığını bildirib:

“Mənim yanımda olan iki nəfər idi, maşında da iki oğlan, bir qız var idi. Paltarları götürüb qaçmaq istəyəndə tutdum ki, pulumu ver. Daha sonra hay-küy salıb məni itələdi. Durduq yerə mənə yumruq atdı. Dedim, götürdüyün paltarları soyun, apardıqlarını da gətir, sənə yaraşmır belə hərəkət. 345 manat dəyərində mal götürüb qaçdı”.

Qeyd edək ki, faktla bağlı araşdırma aparılır.