Bakı Dövlət Universitetində əməkdar elm xadimi, professor Əmir Həbibzadənin anadan olmasının 100-cü ildönümünə həsr olunmuş "Funksional analiz və onun tətbiqləri" adlı respublika elmi konfrans keçirilib.

BDU-nun Mətbuat və informasiya şöbəsindən Axar.az-a verilən məlumata görə, tədbiri giriş sözü ilə rektor, akademik Abel Məhərrəmov açıb.

AMEA-nın Riyaziyyat və Mexanika İnstitutunun direktoru, professor Misir Mərdanov, BDU-nun Funksiyalar nəzəriyyəsi və funksional analiz kafedrasının müdiri, professor Əli Əhmədov alimin ömür yolundan, elmimizə verdiyi dəyərli töhfələrdən, yüksək ixtisaslı mütəxəssislərin hazırlanmasında göstərdiyi xidmətlərdən bəhs ediblər.

Konfransda 126 məruzə dinlənilib.