Təhlükəsizlik kameralarına düşən görüntülər böyük müzakirəyə səbəb olub.

Axar.az xəbər verir ki, videoda otağında oyuncaqlarla oynayan qızın otağın digər küncündəki gəlinciyin hərəkət etməsindən xəbərsiz olduğu görünür. Gəlincik başını sağa, sola, önə, arxaya doğru hərəkət etdirir.

Daha sonra isə qəribə hadisə başqa bir otaqda davam edir. Balaca qız otaqda rəsm çəkərkən kağızlar uçuşur. Qız qorxub yerindən qalxır və otaqdan qaçır. Otağa geri dönəndə isə kağızlar uçur, masanın üzərindəki əşyalar və masa güclü bir külək varmış kimi hərəkət edir.

Sözügedən videonu internetdə paylaşan ata evlərində kabus olduğunu iddia edib. Görüntülərdə əks olunan hadisələrin nə dərəcədə həqiqət olduğu isə sosial şəbəkələrdə müzakirə edilir.