Bu gün Xocalı soyqırımından 23 il ötür.

1991-ci il. Azərbaycan SSRİ adlanan böyük imperiyanın caynağından yaxasını yenicə qurtara bilmişdi. Artıq müstəqil respublika ilk addımlarını atmağa başlayırdı. Lakin bu kiçik dövlətin elə ilk addımları da öz tarixi kimi ağır oldu. İmperiyanın dağılmasından sonra yaranan hərc-mərclik üstəlik Qarabağda ermənilərin 1988-ci ildən başlayan separatçı çıxışları artıq aktiv fazaya keçmişdi. Bakı susurdu. KQB isə dayanmaq bilmirdi.

KQB Bakıda at oynadır

KQB SSRİ-nin dağılması ilə barışmaq istəmirdi. Sovetlərin qalıqlarını Rusiya artıq bir araya gətirmək istəyirdi. Üstəlik, imperiyanın qalan hissələrini qorumaqdan ötrü KQB ən son layihələrini reallaşdırmağa hazırlaşırdı. Cənubi Qafqazda əsas hədəf Qarabağ idi. Rus kəşfiyyatının planı yavaş-yavaş reallaşmağa başlayırdı. Bakıda Rusiyanın beşinci kolonu üstəlik mərkəzi aparatın zəif olması Mütəllibov hökumətini çarəsiz şəkildə sadəcə prosesləri izləməyə məcbur edirdi.

Qeyd edək ki, hazırlanmış süjetdə Azərbaycanın Milli Qəhrəmanı Çingiz Mustafayevin Xocalıda çəkdiyi kadrlardan istifadə olunub.