İngilis həkim Dan Reqan qadınların paranoya xəstəliyinə tutulma riskinin kişilərdən 2 dəfə çox olduğunu bildirib.

Axar.az xəbər verir ki, həkim insanların, xüsusilə də qadınların bu psixoloji xəstəlikdən qorunmaları üçün bir neçə məsləhət verib. O hisləri sakitləşdirmək üçün 10-a qədər saymağın lazım olduğunu qeyd edərək aşağıdakı məsləhətləri sıralayıb:

* Hər gün mütəmadi olaraq 10 dəqiqə yeriyin.

* Sosial mediadan bir müddət uzaqlaşın.

* Dərindən nəfəs alın. Zehninizi və bədəninizi sakitləşdirin.

* İstirahət edə biləcəyiniz bir yerə gedin.

* Sizi həyəcanlandıran vəziyyətlərdən uzaqlaşın.

* Yaxşı yatın, stresinizi idarə edin.

Qeyd edək ki, paranoya həddindən artıq narahatlıq və ya qorxuyla xarakterizə edilən, tez-tez məntiqsiz şiddət bildirən bir narahatlıq, psixoloji nasazlıqdır. Bu xəstəlik çox vaxt şizofreniya kimi psixotik xəstəliklərlə yanaşıdır. Bununla birlikdə seyrək olaraq, paranoyak şəxsiyyət pozuqluğu kimi, psixotik olmayan digər vəziyyətlərdə də müşahidə edilə bilər.