ABŞ prezidentliyinə Respublikaçılar Partiyasından namizəd olan Donald Tramp prezident seçkisinə qədər KİV-lərdə öz reklamına 140 milyon dollar xərcləyəcək.

Axar.az xəbər verir ki, bu barədə informasiyanı "Assoşieyted Press" agentliyi yayıb. Agentlik bu məbləğin 100 milyon dollarının telereklamlara ayrılacağını bildirib.

Qeyd edək ki, Tramp indiyə qədər öz təşviqat kampaniyası üçün 90 milyon dollar xərcləyib. O bu sahədə öz rəqibi Demokratlar Partiyasından namizəd olan Hillari Klintondan dəfələrlə geridə qalır. Belə ki, Klinton öz təşviqat kampaniyası üçün indiyə qədər 300 milyon dollar xərcləyib.