Türkiyənin Uşak Polis İdarəsi FETÖ-nün gizli planını ifşa edib.

Axar.az xəbər verir ki, həbs edilən imamlar və digər təşkilat üzvləri FETÖ-nun yeni təşkilat qurduğunu deyiblər.

17-35 dekabr hadisələrindən sonra Fətullah Gülən daha az məktəbin bağlanması üçün MER (Milli Təhsil Rəhbərliyi) adlı yeni sistem qurub.

Bu sistemə əsasən, FETÖ üzvü olan hər müəllimə 5 şagird tapşırılıb. Həmin müəllimlər də məktəblər bağlansa belə, şagirdlərlə əlaqəni kəsməyib. MER sistemindəki müəllimlər təşkil olunan idman, gəzinti və digər yollarla səmimiyyət yaradaraq şagirdlərin təşkilatdan ayrılmamasını təmin ediblər.

Təşkilat bütün Türkiyədə tətbiq edilən sistem vasitəsi ilə minlərlə şagirdi əlində saxlaya bilib.

Müəllimlərin isə şagirdlərə "Böyüklərimizin təlimatlarını yerinə yetirməsəniz, Allah sizi cəzalandırar", - dedikləri məlum olub.