Rusiya Qərbə təzyiqini artırmaq üçün Belarusda hibrid müharibəsi başlada bilər.

Axar.az xəbər verir ki, bunu Ukrayna mətbuatına açıqlamasında ukraynalı hərbi ekspert İqor Kozi söyləyib. Onun sözlərinə görə, Belarus Prezidenti Aleksandr Lukaşenkonun siyasəti hələlik Rusiya, Ukrayna və digər dünya dövlətləri arasında balans yaratmağa yardım edir:

"Hazırda Belarus məsələsi Ukrayna və Suriya böhranı ucbatından ikinci plana atılıb. Moskva gələcəkdə istənilən vaxt bu kartı oynayacaq. O, bu kartı hətta Suriya və Ukraynada uduzsa belə, masaya atacaq. Lukaşenko isə hələlik balanslı siyasət həyata keçirir və Minski bütün oyunlardan yaxşı qoruyur".