Bundan sonra Filippində heç bir ölkənin hərbi bazası yerləşdirilməyəcək.

Axar.az xəbər verir ki, bunu jurnalistlərə açıqlamasında Filippin Prezidenti Rodriqo Duterte söyləyib.

Onun sözlərinə görə, ABŞ Filippinə xaltalı it kimi baxmamalıdır. O, Vaşinqtonla müdafiə sahəsində genişləndirilmiş əməkdaşlıq haqqında müqaviləyə prezident olduğu müddət ərzində qol qoymayacağını bildirib.

Qeyd edək ki, bundan öncə ABŞ-Filippin münasibətləri pisləşib. Bundan istifadə edən rəsmi Manila Vaşinqtonla hərbi əməkdaşlığa son verdiyini bəyan edib və Çinlə münasibətlərinin bərpasına başlayıb.

Filippin ABŞ-la 50 ildən çox hərbi müttəfiq olub.