Ana səhifə Maqazin |
Mətbuatda mənə layiq olmayan bir şayiəni dərc etdilər. Bütün bunlar isə reklam, oxucu kütləsi toplamaq üçün edildi.
Axar.az xəbər verir ki, bu sözləri müğənni Şəbnəm Tovuzlu "Həyat tərzi" verilişində deyib. O, həyat yoldaşının hazırda başqa biri ilə evli olmadığını bildirib:
"Sosial şəbəkədə yazırlar ki, Şəbnəm xanım ailə dağıdır. Mən heç kimin ailəsini dağıtmıram, bunu hər kəs bilsin. Yoldaşımı şou-biznes nümayəndələri tanıyır. Yəni o, özünü reklam etməyi sevmir. Həyat yoldaşım insanlara niyə maraqlı olmalıdır ki? Övladımın atası yanımdadır. Mən boşanmış insanla ailə qurmuşam. O insan məndən 1 il əvvəl ayrılıb. Ailə dağıtmıram, şəxsi ailəmdir. Birinci ailəm alınmayıb. Düz gəlmədi, ayrıldıq. Bu insan da məni tanımazdan bir il qabaq boşanıb. O demək deyil ki, boşanıb, ailəsinə baxmamalıdır. Övladlarına çox gözəl baxır. Biz normal şəkildə ailə qurmuşuq. Toyumuz olmayıb, amma ağsaqqalların iştirakı ilə kiçik qonaqlıq təşkil etmişik, kəbinimiz var".
Qeyd edək ki, mətbuatda Şəbnəm Tovuzlunun həyat yoldaşının Penitensiar Xidmətin 10 saylı Cəzaçəkmə Müəssisəsinin rəisi, ədliyyə polkovniki Eyvaz Əsgərov olması ilə bağlı xəbərlər yer alıb.
Tarix
2016.10.27 / 08:45
|
Müəllif
Dilarə Zamanova
|