Ukrayna Radasının saytında Nadejda Savçenkonun deputat mandatının əlindən alınması ilə bağlı petisiya yaradılıb.

Axar.az xəbər verir ki, petisiyanı ukraynalı məşhur blogger Miroslav Oleşko yaradıb. Onun sözlərinə görə, Savçenko Rusiya Federal Təhlükəsizlik Xidməti ilə əlaqələrə malikdir:

"Savçenko bir müddət öncə qanunsuz işğal edilmiş ərazilərdə olub. Bu işdə ona rus terrorçular və FTX yardım edib. Təsadüfi deyil ki, Savçenkonun özü də işğal edilmiş ərazilərdə bir müddət öncə olduğunu və onu əsir saxlayan insanlarla görüşdüyünü etiraf edib".

Qeyd edək ki, petisiyaya artıq 500-dən çox şəxs səs verib.

Savçenko dünən ukraynalı millətçilərin məhkəməsində iştirak etmək üçün Moskvaya yola düşüb. Onun bu hərəkəti Ukraynada çoxlarının etirazına səbəb olub.