CHP lideri Kamal Kılıçdaroğlu Türkiyənin Baş naziri Binəli Yıldırımın səsləndirdiyi fikirlərə münasibət bildirib.

Axar.az xəbər verir ki, cavabını Tvitter hesabında yazan partiya sədri ölkənin yaxşı idarə olunmadığını iddia edib.

"PKK Binəli Yıldırıma yox, mənə hücum etdi. Terrora və terrorçulara qucaq açanlar, çadır məhkəmələri quran sizsiniz. Hakimləri, prokurorları PKK-nın ayağına siz apardınız. FETÖ-nu bəsləyən, istədikləri hər şeyi verən siz oldunuz".

Xatırladaq ki, Baş nazir Binəli Yıldırım Ərzincanda çıxışı zamanı Kılıçdaroğlunu tənqid etmişdi:

"Cənab Kılıçdaroğlu deyir ki, demokratiyaya sahib çıxın. Ey Kılıçdaroğlu, demokratiyaya əlbəttə sahib çıxacağıq. Demokratiyaya birlikdə sahib çıxacağıq. Ancaq demokratiyaya sahib çıxmaq üçün terrora sahib çıxmayaq".