Rusiya ordusu 60 ildir Suriyadadır.

Axar.az xəbər verir ki, bunu Suriya Prezidenti Bəşər Əsəd "Sandi Tayms" qəzetinə müsahibəsində deyib.

Onun sözlərinə görə, rəsmi Moskva heç vaxt Suriyanın daxili işlərinə qarışmayıb:

"Rusiya Suriyanın daxili işlərinə qarışmaq və məni "kukla lider" etmək fikrində deyil. Burada qərarları biz veririk. Rusiya ordusu 60 ildir Suriyadadır. Onların siyasəti iki hissədən ibarətdir: Əxlaq və beynəlxalq hüquq normalarına hörmət. Fikir ayrılığı olsa da, "Bura sizin ölkənizdir, daha yaxşısını siz bilərsiniz", deyirlər. Heç vaxt daxili işlərimizə qarışmayıblar. Rusiya bilir ki, Suriyada terror qalib gəlsə, Avropada da terror hakim olacaq. Bu, həm Rusiyaya, həm də bütün dünyaya təsir edər".