Azərbaycan Premyer Liqasında 31-ci turun oyunlarına start verilib.

Turun bütün oyunları bu günə nəzərdə tutulub.

Turun açılış matçında azarkeşlər paytaxt derbisinə şahidlik edib. Saat 15:00-da başlayan görüşdə "Bakı" klubu öz meydanında "İnter"i sınağa çəkib. Qarşılaşma qonaqların 4:0 hesablı qələbəsi ilə başa çatıb.

Digər oyunlarda "Neftçi" "Sumqayıt"ı, "Rəvan" isə "Qəbələ"ni qəbul edib. Hər iki oyun meydan sahiblərinin məğlubiyyəti başa çatıb.

Premyer Liqanın vahid lideri "Qarabağ" klubu Zaqatalada "Simurq"un qonağı olub. Ağdam təmsilçisi bu qarşılaşmada minimal hesabla məğlub olub - 0:1.

Tura "Xəzər Lənkəran" - AZAL matçı ilə yekun vurulub. Lənkəran təmsilçisi oyunun 7-ci dəqiqəsində hesabı açsa da, üstünlüyünü qoruya bilməyib. Matç 1:1 hesablı bərabərliklə başa çatıb /Qol.az/.