Bu gün Prezident İlham Əliyevin kortejinin keçdiyi yolda, metronun "Gənclik" stansiyasının yaxınlığında kuryoz hadisə baş verib.

Blogger Mehman Hüseynov hadisə şahidlərinə istinadən "Virtualaz.org" saytına bildirib ki, prezidentin olduğu avtomobilin oradan keçməsinə bir neçə dəqiqə qalmış yoldakı marşrut avtobuslarından biri qəflətən xarab olub. Yol polisi əməkdaşları sürücüdən dərhal maşını yoldan götürməsini tələb ediblər.

Amma sonra görəndə ki, avtobusu oradan götürmək mümkün deyil, polislər onu var gücləri ilə itələməyə başlayıblar. Bir azdan avtobusdakı sərnişinlər də onlara köməyə gəliblər. Beləliklə, problem aradan qaldırılıb.