"Rusiyanın Ermənistana təsiri artdıqca DTK (KQB) agentlərinin də fəaliyyəti aşkara keçir".

Axar.az xəbər verir ki, bu açıqlama ilə erməni siyasi məhbusu Şant Arutunyan çıxış edib.

O, DTK agentlərinin Moskvanın əmri ilə Türkiyə və Azərbaycanın xeyrinə çalışmağa başladığını bildirib:

"Bunun ən son göstəricisi Georgi Vanyandır. Əvvəl mən hesab edirdim ki, Georgi Vanyan yalnız pasifist, kosmopolit və təmiz insandır. İndi mən görürəm ki, onun çıxışlarının ədalətlə oxşarlığı yoxdur. Onun davranışına yalnız bir ad vermək olar – vətən xaini. O, əgər azərbaycanlı "diversantlar"ın hüquqlarını müdafiə etsəydi, mən bunu başa düşərdim. Amma o həmin şəxsləri əsir kimi qəbul edir. Çoxları onu Azərbaycan və Türkiyənin agenti hesab edir. Onun açıqlamalarından görünür ki, Vanyan Moskvanın əmri ilə Ermənistana qarşı fəaliyyət aparan rus agentidir. Aydındır ki, əgər o, Azərbaycanın agenti olsaydı, Ermənistan DTK-sı artıq çoxdan onu həbs edərdi".

Qeyd edək ki, Georgi Vanyan Ermənistandan fəaliyyət göstərən hüquq müdafiəçisidir. O, Azərbaycana qarşı xoş fikirlərinə, Xocalıya görə Ermənistanın üzr istəməli olduğunu deməsinə və ümumiyyətlə, Dağlıq Qarabağın Azərbaycan əraziləri olmasını etiraf etməsinə görə hər zaman rəsmi İrəvanın təzyiqlərinə məruz qalıb.