Siyasi sui-qəsd planı ilə 5 MOSSAD agentinin Türkiyəyə gələrək burada təxribat yaratmaq istədiyi ortaya çıxıb.

Axar.az xəbər verir ki, prezident seçkiləri ərəfəsində Türkiyəyə gəlmək istəyən 5 İsrail agenti xüsusi xidmət orqanları tərəfindən Suriya sərhədində tutularaq, öldürüldüyü xəbərləri yayılıb.

İddialara görə, avqustun 10-da prezident seçkisi ərəfəsində ölkəni qarışdıracaq çox ciddi planlarla təlimatlandırılan agentlər hərəkətə keçib. İsrail xüsusi xidməti MOSSAD-ın üzvləri olan casuslar Türkiyəyə keçmək üçün Suriyaya gəlib.

Lakin türk əks-kəşfiyyatınının sayıqlığı nəticəsində agentlər elə Suriyada yaxalanıb.

İddiada o da bildirilir ki, Suriya ərazisində öldürülən casusların cəsədi elə oradan da İsrailə göndərilib.

Bu hadisədən sonra MOSSAD-ın Tel-Əvivdəki mərkəzində təcili toplantı keçirdiyi bildirilir.