"Rusiya NATO üçün təhlükə kəsb eləmir".

Musavat.com-un Rusiya KİV-lərinə istinadən verdiyi məlumata görə, bunu Alyansın baş katibi Anders Foq Rasmussen Avropa Kornegi Fondunda çıxışı zamanı deyib.

"Mən düşünmürəm ki, Rusiya bu gün birbaşa təhlükə kəsb edir. Moskva bilir ki, alyansın Vaşinqton müqaviləsində 5-c maddə var və bu maddəyə görə, NATO üzvlərindən birinə qarşı təcavüz olacağı təqdirdə yerdə qalan bütün üzvlər də onun müdafiəsinə qalxacaq", - deyə baş katib Kremlə xəbərdarlıq edib.

Rasmussen bu məntiqə əsaslanaraq, NATO-nun hərbi qabiliyyətinin müdafiənin gərəkli səviyyədə təmin edildiyinə əminlik yaradacaq səviyyədə gücləndirilməsinin vacib olduğunu söyləyib. Onun sözlərinə görə, alyansın səylərinə baxmayaraq, Rusiya NATO ilə tərəfdaşlıq münasibətlərini inkişaf etdirməkdən imtina edib və Qərbi, NATO-nu düşmən kimi qəbul eləməkdə davam edib.