Ana səhifə Toplum |
Bu il əlilliyi olan 1453 nəfər avtomobillə təmin olunub.
Bu barədə Axar.az-a Əmək və Əhalinin Sosial Müdafiəsi Nazirliyindən məlumat veriblər.
Məlumata görə, Əmək və Əhalinin Sosial Müdafiəsi Nazirliyi 2014-cü ilədək xüsusi nəqliyyat almaq üçün tibbi göstəriş əsasında növbəyə dayanmış əlilliyi olan şəxslərin minik avtomobilləri ilə tam təminatını başa çatdırıb.
Belə ki, Prezident cənab İlham Əliyevin 23 dekabr 2013-cü il tarixli və 30 aprel 2014-cü il tarixli Sərəncamları qısa müddət ərzində uğurla icra edilib. Sərəncamlara uyğun olaraq, bu ilədək növbəyə dayanmış 677 nəfər Qarabağ müharibəsi və 20 Yanvar əlilinin, habelə 776 nəfər Böyük Vətən müharibəsi əlili və onlara bərabər tutulan şəxsin, ümumilikdə 1453 nəfərin avtomobillə tam təminatı həyata keçirilib.
Qeyd edək ki, indiyədək dövlət hesabına minik avtomobili ilə təmin edilən əlilliyi olan şəxslərin sayı 5259 nəfərdir.
Tarix
2014.09.23 / 11:46
|
Müəllif
Nigar İxtiyarqızı
|