Türkiyənin Enerji və Təbii Sərvətlər naziri Taner Yıldız Rusiyaya səfərə hazırlaşır.

Axar.az xəbər verir ki, nazirin Rusiyaya getməsinə səbəb iki ölkə arasında enerji mübadiləsində qiymət tarazlığının pozulmasıdır. Taner Yıldızın həmkarı Aleksandr Novak, "Qazprom"un İdarə heyətinin sədri Aleksey Miller və "Qazpromexport"un prezidenti Telena Burmistrova ilə görüşü gözlənilir. Eyni zamanda, türkiyəli nazirin "Rosatom"un sədri Sergey Kiriyenko ilə görüşü də nəzərdə tutulur. Görüşdə Mersində inşa ediləcək nüvə stansiyası ilə bağlı müzakirələr aparılacaq.

Rusiyadan ən çox təbii qaz idxal edən ölkə olan Türkiyə dolların qalxması səbəbindən istehlak qiymətlərinə yenidən baxılması fikrindədir. Ekspertlərin fikrincə, oktyabrdan etibarən elektrik və təbii qazın qiymətlərində 9 faiz artım olacağını deyən nazir Rusiyadan endirim tələb edəcək.

Xatırladaq ki, az öncə Rusiya ilə əməkdaşlıq şəraitində Qazaxıstanda AES tikilməsi ilə bağlı müzakirələr aparıldığı barədə xəbər yayılıb.