Ana səhifə Gündəm |
"Bu gün Ermənistan Silahlı Qüvvələri tərəfindən Kəlbəcərdə girov götürülən Azərbaycan vətəndaşı Şahbaz Quliyevin ailəsində oldum".
Axar.az xəbər verir ki, bu açıqlama ilə millət vəkili Aydın Mirzəzadə öz Feysbuk hesabında çıxış edib.
Onun sözlərinə görə, ailəsi Şahbazın məhkəmədəki son görüntülərindən sonra pərişan olub:
"Ailəsinə yaxın qohumu Ramizlə birlikdə getdik. Şahbazın öz evi yoxdur, ailəsi kirayədə yaşayır. Evin şəraitindən zəhmətkeş ailə olduğu görünür. Şahbaz uzun müddət Rusiyada yaşayıb, gec ailə qurub, indi yoldaşı və qızı Elza onun yolunu gözləyirlər. Torpağa çox bağlı bir insan olduğunu söylədilər, qorxmaz, cəsarətli bir insandır. Evdə hara getdiyindən xəbərləri olmayıb. Ailə ilə qohumları yaxından maraqlanırlar. Şahbazın anası və qızının bu günlərə qədər onun taleyindən xəbərləri olmayıb. Baş nazirin müavini, Qaçqınkomun sədri Əli Həsənovun ailə ilə daima maraqlandığını söylədilər. Həyat yoldaşına və qohumuna Şahbaz Quliyevin və Dilqəm Həsənovun taleyi ilə hər kəsin maraqlandığını və Azərbaycan dövlətinin öz oğluna sahib çıxdığını söylədim. Ailə üzvləri onun üzərində qurulmuş saxta məhkəmədən narahat olduqlarını bildirdilər. Ailəsi Şahbazın və Diləqəm Əsgərovun Rusiya vətəndaşları olmasına baxmayaraq, Rusiyanın onların taleyi ilə maraqlanmadığını da dilə gətirdilər. Ailə üzvləri Şahbaz və Dilqəmin sağlığından ciddi narahatdır. Hadisə baş verənə qədər 140 kiloqram çəkisi olan Şahbazın "məhkəmə" görüntüləri onlara necə əzab verildiyindən xəbər verir".
Tarix
2014.10.31 / 15:54
|
Müəllif
Aygün Yusibova
|