Ana səhifə Planet |
Türkiyə Prezidenti Rəcəb Tayyib Ərdoğan Paris səfəri
çərçivəsində mətbuat konfransı keçirib.
Axar.az xəbər verir ki, Fransa Beynəlxalq Əlaqələr İnstitutunda
təşkil olunan konfransda danışan Ərdoğan İraq və Suriyada yaranmış
problemə görə İranı tənqid edib:
"İran ilə Türkiyə problemin həllində vahid mövqe nümayiş etdirsəydi, Qərb ölkələrinə lüzum qalmazdı. Bizim də dinimiz islamdır, İranın da dini islamdır. Amma bu məzhəb yanaşması çətinliklər yaradır".
İraq ordusunun 100 faizini şiələr təşkil etdiyini deyən Ərdoğan ölkədə sünnilərin də yaşadığını xatırladıb:
"Hazırda İraq ordusunun 100 faizi şiədir. Amma burada sünni də yaşayır. Burada İran özünə sərf edən mühit yaradıb. Suriyada da yenə İranın məzhəb təəssübkeşliyini görürük. Suriya rəhbərliyi də arxasını gah İrana, gah da Rusiyaya çevirir. Bu mövzuda Rusiya ilə yaxşı münasibətlərimiz olsa da, həll edə bilmədik".
Krım məsələsinə də toxunan Ərdoğan yarımadanın Rusiyaya birləşdirilməsini işğal adlandırıb:
"Rusiya və Ukrayna iki ayrı dövlətdir. Burada Rusiyanın Krımı işğal etməsini qəbul etmirik. Edə bilmərik. Krım əhalisinin 14 faizini Krım türkləri təşkil edir. Ukraynada müvəqqəti deyil, müddətsiz sülh hakim olmalıdır".
Tarix
2014.10.31 / 23:45
|
Müəllif
Şəmsəddin Ənsar
|