Ana səhifə Planet |
İran Xarici İşlər Nazirliyi BMT Təhlükəsizlik Şurasının 5 daimi üzvü və Almaniyadan ibarət "5+1" qrupunun İrana nüvə müzakirələri ilə bağlı yeni təkliflər verməsi ilə bağlı yayılan məlumatları təkzib edib.
Axar.az xəbər verir ki, XİN nüvə müzakirələrinin davam etdiyini xatırladaraq hər hansı bir irəliləyişin olmadığını açıqlayıb.
Məlumat üçün bildirək ki, İran mətbuatı ABŞ Dövlət katibi Con Kerrinin problemin həlli üçün İrana yeni təkliflər verdiyini iddia edib.
Xatırladaq ki, İsveçrənin Cenevrə şəhərində 24 noyabr 2013-cü il tarixində imzalanan müvəqqəti sazişə görə, 20 iyul 2014-cü il tarixinə qədər uzunmüddətli razılaşma imzalanmalıdır. Lakin tərəflər arasında fikir ayrılığı olduğuna görə müzakirələr 24 noyabr 2014-cü il tarixinə qədər uzadılıb.
Mütəxəssislər İranın dünya neft bazarında önəmli yer tutması və Rusiyanın hərtərəfli təklənməsi məqsədilə 2 gündən sonra keçiriləcək toplantıda "5+1" ölkələrinin İranla razılaşacağını təxmin edir.
Tarix
2014.11.22 / 16:04
|
Müəllif
Şəmsəddin Ənsar
|