Ana səhifə Planet |
Rusiya "Cənub axını" qaz kəmərini yalnız Avropada Ukraynadan keçəcək tranzit üçün riskin aşağı salınacağına təminat yaranan zaman tikəcək.
Axar.az "Gazeta.ru"ya istinadən xəbər verir ki, bu açıqlama ilə Rusiya İqtisadi İnkşaf naziri Aleksey Ulyukayev çıxış edib.
O, qaz kəmərinə tələbatın olmayacağı zaman Moskvanın bundan imtina edəcəyini deyib. Moskva həmçinin bu layihə üçün indiyə qədər olan xərcləmələr haqqında da məlumat verməyib.
"Cənub axını" "Qazprom"un layihəsidir. 63 milyard kubmetr qazı
Avropaya ötürmək qabiliyyətində olacaq kəmərin dəyəri 23,5 milyard
dollardır. Proyektdə 50%-lik səhmə "Qazprom" sahibdir. Digər səhm
sahibləri İtaliyanın "Eni" (20%), Fransanın "Electricite de France"
(15%) və Almaniyanın "Wintershall" şirkətidir (15%).
Xatırladaq ki, "Cənub axını" Xəzər bölgəsi və Orta Şərq təbii qaz
ehtiyatlarını Avropa bazarlarına çatdırmağı nəzərdə tutan Nabukko
qaz kəməri layihəsinə alternativ sayılır. Nabukko kəmərinin məqsədi
də Avropanın Rusiyadan qaz asılılığını azaltmaqdır. Layihənin əsas
xammal tədarükçüsünün Azərbaycan, həmçinin Orta Asiyadan
Türkmənistanın olacağı ehtimal
edilir.
Tarix
2014.11.27 / 01:40
|
Müəllif
İlkin Həsənov
|