Ana səhifə Gündəm |
ABŞ-ın Azərbaycandakı səfirliyi mətbuatda bu ölkənin gələn Milli Məclisə keçiriləcək seçkilərə dair "planlaşdırdığı siyasəti" barədə dərc edilən iddialara münasibət bildirib.
Səfirliyin mətbuat xidmətindən Report-a bildirilib ki, sözügedən məqalələr tamamilə həqiqətəuyğun deyil:
"ABŞ səfirliyindən hər hansısa məlumatın şərh olunması xahiş olunmayıb və biz sözügedən məlumatları təkzib edirik. Müvəqqəti işlər vəkili Derek Hoqan həqiqətən siyasi partiyaların baxışlarını daha yaxşı anlaması məqsədilə bir sıra partiyalarla görüşlər keçirib. Müstəqil, suveren və demokratik dövlət kimi Azərbaycanın inkişafına təkan verən Amerika Birləşmiş Ştatları heç bir seçki prosesinə öncədən qiymət vermək və ya təsir göstərmək niyyətində deyil. Biz Azərbaycan hökuməti və xalqı ilə müxtəlif səpkidə əməkdaşlıq etmək ümidindəyik".
Tarix
2014.12.19 / 17:02
|
Müəllif
Axar.az
|