Ana səhifə İqtisadiyyat |
"Azərbaycan iqtisadiyyatı kənar faktorlardan asılıdır".
Bu sözləri Axar.az-a açıqlamsında iqtisadçı alim Qubad İbadoğlu deyib. Onun sözlərinə görə, ümumdaxili məhsulun formalaşmasında qeyri-neft sektorunun payı təxminən 60 faizə qədər artıb:
"Qalan 40 faizi isə neft-qaz sektoru təşkil edir. Bu da, təbii ki, Azərbaycanda qeyri-neft sektorunun neft sektorunu üstələməsi deməkdir".
Q. İbadoğlu ümumdaxili məhsulda neft-qaz sektorunun 40 faiz payı olmasını da kifayət qədər yüksək göstərici hesab edib:
"Bu, Azərbaycan iqtisadiyyatını kənar faktorlardan asılı vəziyyətə salıb. Bu baxımdan qeyri-neft sektorunun inkişaf səviyyəsi daha yüksək olmalıdır. İqtisadiyyatın liberallaşdırılması və modernləşdirilməsinə daha çox ehtiyac var. İqdisadiyyat azad olmalıdır".
Mütəxəssis dünya bazarında neftin ucuzlaşmasının Azərbaycanın makroiqtisadi göstəricilərinə təsiri olduğunu bildirib:
"Ümumdaxili məhsulun artım tempi aşağı düşür və manatın sabitliyi üçün təhlükələr yaranır. Digər tərəfdən sahibkarlıq səviyyəsinə təsir edir - inşaat bazarlarına sifarişlər azalır, ailə büdcələrinin strukturu dəyişir. Bu baxımdan təsirlər var və bu təsirlər ciddi şəkildə gəlirlərlə xərclər arasındakı tarazlığı pozur".
Tarix
2015.01.24 / 09:10
|
Müəllif
Hüseyn Valeh
|