Topaz Premyer Liqasında mövsümün ikinci yarısına "Simurq"la qarşılaşma ilə start verəcək "Xəzər Lənkəran" 2015-ci ildə ilk rəsmi matçına çıxacaq.

Axar.az klubun rəsmi saytına istinadən bildirir ki, 2004-cü ildə yaranan klub bu qarşılaşma ilə özünün 12-ci ilinə start verəcək.

Məlumat üçün bildirək ki, klubun belə oyunu ardıcıl 2-ci, ümumilikdə isə 6-cı dəfə səfərdə baş tutacaq. Statistikaya baxsaq görərik ki, klubun keçirdiyi ilk 11 oyun 5 qələbə, 4 heç-heçə və 2 məğlubiyyətlə bitib.

Bildirək ki, ötən mövsum klubdan xeyli futbolçu ayrılsa da, klub nailiyyət əldə etmək fikrindədir. Məhz bu səbəbdən klubun sahibi Mübariz Mənsimovun futbolçular qarşısında tələb qoyduğu və bu mövsümdə maliyyə problemləri olmayacağına söz verdiyi deyilir.