Ana səhifə Planet |
Fransanın cənubunda qəzaya uğrayan "Germanwings" təyyarəsinin ikinci pilotu sistemi dəyişdirmək istəyib.
Axar.az xəbər verir ki, Andres Lubitsa təyyarənin sistemini dəyişdirməklə tarixin yaddaşına həkk olmaq arzusunda olub.
Lubitsanın rəfiqəsi bildirib ki, bir müddət əvvəl pilot bu barədə ona danışıb, ancaq bunun artıq bir məna vermədiyini qeyd edib.
Onun sözlərinə görə, Lubitsa qapalı biri olub və sirləri saxlaya bilirdi, həmçinin gecələr qışqıraraq oyanırdı.
"Bir dəfə mənə dedi ki, mən nəyisə edəcəyəm, sistemi dəyişdirəcəm, hər kəs məni tanıyacaq və məni yadda saxlayacaqlar", - Lubitsanın rəfiqəsi qeyd edib.
Qeyd edək ki, Almaniyada Düsseldorf Prokurorluğu "Germanwings"
təyyarəsinin qəzaya uğramasında günahkar hesab olunan köməkçi
pilotun psixoloji problemləri olduğunu və bunu şirkətdən
gizlətdiyini müəyyən etmişdi.
Xatırladaq ki, Almaniyanın "Lüftanza" avişirkətinə məxsus
"GermanWings" şirkətinin Airbus-320 təyyarəsi Barselonadan
Düsseldorfa gedərkən Fransanın cənubunda qəzaya uğramışdı. Qəza
nəticəsində 150 nəfər həlak olmuşdu.
Tarix
2015.03.28 / 14:28
|
Müəllif
Pərviz Həsənov
|